ДЕЛОКРУГ

1. Нашите општи услови се единствено важечки освен во случај на измена или отповикување со посебен пишан договор со купувачот. Секоја понуда, прифаќање на понуда, секоја потврда на нарачка и продажба се предмет на овие Општи услови.
2. Исто така, Општите услови се примeнуваат кога ние вршиме испорака, не земајќи ги предвид условите на купувачот или услови кои се разликуваат од Општите услови. Не се прифаќаат конфликтните услови на купувачите или услови кои се разликуваат со нашите Општи услови, освен ако нивната важност е одобрена со пишан документ.
3. Општите услови се јавно достапни преку објава на www.mileks.mk и на видно место во деловните простории на продавачот . Истотака секој купувач посебно ќе биде запознаен со Општите услови пред да се направи првата порачка . Деловна соработка помеѓу продавачот и купувачот е невозможна без прифаќање на Општите услови . Чинот на испраќање на писмена порачка се смета за прифаќање на Општите услови.

ИЗВРШУВАЊЕ НА ДОГОВОРОТ

1. Нашата понуда не е обврзувачка. Нарачките на купувачите се земаат во предвид како прифатени ако имаме испратено пишана потврда на нарачка , во периодот одреден од купувачот.
2. Количината, квалитетот и описот на добрата треба да се совпаѓаат со нашата понуда, ако е прифатена од купувачот или нарачката на купувачот, ако е прифатена од наша страна.

ЦЕНИ

1. Цените во нашиот Ценовник се од информативен карактер.За секоја промена на Ценовникот купувачот ќе биде информиран најмалку 3 дена пред примена на истиот.
2. Важечка цена е само цената од Потврдата на нарачката или цената од Про-Фактурата и тоа во рок од 3 дена од издавањето, освен ако поинаку не е договорено со пишан документ.
3. Кога во потврдата на нарачката не е поинаку наведено, цените се Ex Works (Франко наш магацин) не вклучувајќи го пакувањето.
4. ДДВ не е вклучен во цената. ДДВ се прикажува одвоено во фактурата со законскиот износ на денот на издавање на фактурата.
5. Попуст се одобрува само со посебно пишан договор.
6. Попустите наведени во Ценовникот се одобруваат исклучиво за плаќања кои се извршени авансно.

ИСПОРАКА, ПРЕНОС НА РИЗИК

1. Испораката е Ex Works ( Франко наш магацин), освен ако не е поинаку договорено со пишан документ.
2. Превземањето на добрата од магацинот може да го изврши само лице кое е овластено од страна на купувачот. Овластувањето може да биде генерално или поединечно.
3. Доколку, по налог на купувачот, добрата се испорачуваат преку јавен превоз или брза пошта , испораката се смета за уредно извршена со самото предавање на превозникот.
4. Делумни испораки се дозволени.

РОК НА ИСПОРАКА

1. Рокот на испорака започнува кога е испратена потврдата на нарачката, но не пред предавање на документите, лиценците, одобренијата и други формалности кои купувачот треба да ги прибави, ниту пред извршување на плаќањето.
2. Ако е договорена точна дата на испорака и ако ние ја немаме испорачано во договорениот период (или продолжениот период за испорака) купувачот може да бара намалување на цената за 1% по измината недела , откако ќе достави писмено известување, но не повеќе од 5% од цената, освен ако се очигледни околностите дека купувачот не претрпува штета.
3. Ако доцниме со испораката и ако доцнењето е поради непочитување на обврските од договорот од страна на купувачот, нашата одговорност е исклучена.

КУПУВАЊЕ / НАБАВКА

1. Купувачот се обврзува да ги купи нарачаните добра. Обврската за купување треба да биде исполнета веднаш, како главна обврска во заедничкиот однос, како и плаќање на куповната цена во исто време.
2. Купувачот ги сноси зголемените трошоци поради задоцнетото прифаќање на добрата, трошоци поврзани со складирање, осигурување, мерки за заштита и сл.
3. Ако купувачот доцни во превземање на испораката повеќе од 7 дена , испорака на истите ќе се изврши на негова сметка ,преку користење на јавен превоз .
4. Ако купувачот се откаже од купување на добрата го губи правото на поврат на уплатениот аванс, депозит, кауција или капар.

ПЛАЌАЊЕ

1. Купувачот треба да го изврши плаќањето во рамките на договорениот период за плаќање. Плаќање со меница , чек или задолжница не се прифаќа како извршување на обврската за плаќање додека плаќањето не е примено .
2. Ако нема склучен договор, сите плаќања се вршат авансно или во готово.
3. За сите плаќања каде не е договорена валута плаќањето се врши во денари.
4. Ако купувачот не ја исполни својата обврска да плати ние може да избереме повеќе од следните можности, поповолни за нас:
   • Прекинување на договорот или откажување на понатамошни испораки на купувачот ,без било какви последици за нас.
   • Наплаќање на законска казнена камата на неплатениот износ.
   • Наплаќање на договорна казнена камата од 50% над законската казнена камата.
   • Укинување на сите попусти , дури и ако се прикажани во нашата фактура.
   • Наплаќање на курсна разлика , доколку по истекот на договорениот рок на плаќање настане промена на курсот на Денарот во однос на Еврото. Курсната разлика се пресметува како разлика помеѓу средниот курс на НБРМ на денот кога плаќањето требало да биде извршено и денот кога е извршено.
   • Наплаќање на еднократен надомест за задоцнето исполнување на плаќањето во износ од 3.000,00 денари.

ГАРАНЦИИ И ИСКЛУЧУВАЊЕ ОД ОБВРСКИ

1. Купувачот е должен при барањето на понуда , а најдоцна пред превземање на добрата да го извести продавачот за сите барања кои добрата треба да ги задоволат при нивната употреба или одржување. Доколку тоа не го стори , купувачот е должен да ги испита добрата веднаш по приемот, односно пред употреба (кроење)на испорачаните добра. Ова посебно се однесува за рамномерноста на нијансата на обојувањето, постојаноста на обојувањето и собирањето при перење согласно со инструкциите нотирани во декларацијата на производителот , како и начинот на одржување на произведените добра кој го применува нивниот краен корисник. Доколку има било каква забелешка треба веднаш усмено , а потоа и писмено да не извести за недостатоците. Добрата на кои се утврдени недостатоци како и добрата на кои нема декларација од производителот(или преведена декларација од продавачот) несмеат да се употребуваат бидејки со употреба на добрата купувачот го губи правото на рекламација по било кој основ.
2. Испитувањето треба да се врши според прифатените правила за начинот на одржување и начинот на користење на произведените добра. Доколку од испорачаните добра се изработуваат производи во различни бои, а особено комбинација на бело или светли нијанси со темни нијанси(особено црно,црвено,бордо,темно зелено и темно плаво), одржувањето треба да се прилагоди кон прифатените правила за начинот на одржување на осетлива облека , односно температурите на одржување се намалуваат за 50% од декларираното во декларацијата на производителот.
3. Купувачот го губи правото на рекламација доколку на примените добра не изврши испитување согласно точка 1 и точка 2 .
4. Ако добрата не соодветствуваат со договорот, ние може да го поправиме прекршувањето на договорот:
   • каде што постојат значајни отстапувања , преку поправки или испорака на нови добра, во максимален рок од 90 денови , откако е тоа побарано од купувачот.
   • каде што постојат незначителни отстапувања, ако тое е прифатливо за купувачот, со соодветно намалување на договорената цена.
   • доколку за купувачот не се прифатливи претходните можности, тој има право , како максимално барање да бара враќање на примените добра и поврат на целокупниот уплатен износ. Трошоците за враќање на примените добра се на наш товар .
5. Доколку кај добрата се појават скриени недостатоци, кои при испитувањето од точка 1 и точка 2 неможеле да бидат откриени, купувачот има право на рекламација при што максималениот износ во никој случај неможе да ја надмине куповната вредност на испорачаните добра.
6. Ако добрата се декларирани како Втора Класа или се на Распродажба , не постои можност за рекламација на квалитетот по ниеден основ.

ИЗМЕНА И ДОПОЛНА